Nov. 11, 2023, 2:23 p.m.
فاجأ بطل مسلسل "الخائن"، الممثل اللبناني ايلي متري، جمهوره ومتابعيه على حسابه عبر انستغرام، بما كشفه عن علاقته بزوجته وما فعله بها، مبديا ندمه عما بدر منه ليقدم الاعتذار الرسمي منها.
وفي التفاصيل، نشر ايلي متري صورة له برفقة زوجته، على حسابه عبر انستغرام، وعلق عليها بالقول: "هيدي الصورة لمّا تصوَّرِت كان بعدو دماغي سليم ومعافى، ومبسوط إنّي مبسوط.. ومن بعدها صرت حدا بشع، وحيوان.. شيطان يمكن، ما بعرف.. وصرت خَبِص وكذّب، وإرجع خبِّص وكذّب، وما بقا تشوف منّي غير الحَيونِة.. وسنة بعد سنة بعد سنة وأنا صير اسوأ من قبل.. فيّي فقسة تدمير ذاتي ومفقوسة.. يعني بالعربي المشبرح، فَرْجَيتها وج الشيطان".
وتابع ايلي متري كلامه قائلا: "وإذ، بتقرِّر هيّي تسامحني وفرجتني وج الله.. وذكّرتني انو أنا لمّا رحت لعندها رحت لأنو هيّي مطرح حسّسني بالسلام.. السلام يلّي أنا كنت فاتح عليه حرب"، خاتما كلامه بالقول: "المهم يا جماعة، هيدي مرتي.. هيدي السلام.. هيدي الله يلّي عن جديد رجع شالني من الظلمة".
