<p>دعا النجم تامر حسني جمهوره للمساهمة في دعم المنكوبين بسبب إعصار ليبيا وزلزال المغرب، من خلال جمعية الهلال الأحمر المصرية.<br /> ونشر تامر حسني عبر حسابه في موقع التواصل الاجتماعي إنستجرام صورا توثق مشاركته في حملة مساعدات للبلدين، ووجه لمتابعيه رسالة&nbsp;<br /> قال فيها: &quot;شبابنا و كل اهالينا في مصر طبعاً كلنا شوفنا اللي حصل في المغرب و ليبيا و اكيد كلنا في اشد حالات الحزن و نفسنا نعمل حاجه&quot;.<br /> وأضاف: &quot;كلامي للّي قادر .. واللي مش قادر جزاه الله كل خير لو كثف الدعاء لاهالينا و اخواتنا
مش هطول عليكم &hellip; يا جماعة عندنا في مصر جمعية الهلال الاحمر المصري بجد ناس ليهم الجنه ان شاء الله انا فخور بيهم اوي و بحبهم اوي من كل قلبي، دول ناس رحيمه وهبوا حياتهم لخدمة الانسانيه و كل يوم عندهم شباب جميل متطوع لخدمة الانسانيه ، الحقيقه ان انا بمشيئة الله دايماً معاهم في كل ازمه بتقابل مصر او اي شعب عربي بس اكيد انا مش كفايه&quot;.<br /> وتابع: &quot;اتمنى من كل مصري انه يهتم بالجمعية العظيمه الرحيمه دي و يحاول يقدم اي دعم و لو بسيط ليهم، و اتمنى ان اللي ميعرفهمش يحاول يعرفهم كويس عشان لو عرفهم و عرف دورهم و ازاي بيخاطروا بحياتهم عشان سلامة و انقاذ البشر هيبصلهم بنظره عظيمه تانيه&quot;.<br /> واختتم تامر حسني رسالته قائلا: &quot;من قلبي كل المواساه لاهالينا في المغرب و ليبيا و من ارض مصر بنقولكم كل مصر معاكم و خالص تعازينا لاسر الضحايا من اهالينا و كل الدعاء لعودة و سلامة المفقودين منهم ربنا يصبركم و يحفظكم و يحفظ امتنا العربيه&quot;.</p>